اخبار من مدينة الخمس (عاجل)
بريد القراء: حقيقة أحداث اوباري المخفية عن العالم قوات أمن “زوارة” تنجح في تحرير رهينة إيطالي الثني يصل السعودية .. انفجاران قرب السفارة المصرية والإماراتية بطرابلس بشائر إنجازات الدواعش بدرنة انفجار بأحد عربات مترو الأنفاق في مصر انفجارات قوية تهز مدينتي طبرق والبيضاء / HRW / أدلة على استخدام جديد للألغام الأرضية في طرابلس متري: ليبيا لن تُقسم والاحتياطي النقدي سينضب نهاية 2015 مجنون يتكلم ،، وعاقل يسمع: برلمان ليبيا يعتزم الطعن أمام القضاء الدولي ! البرلمان المقال يمارس الإقالة …

اخبار من مدينة الخمس (عاجل)

التحرير

السلام عليكم أنقل لكم خبرين من مدينة الخمس وهما مؤكدان

1- هبوط طائرتين كبيرتين في قاعدة الخمس البحرية 2- دخول حوالي 10 أشخاص مرتزقة إلى المدينة وقيامهم بأعمال تخريب ، وقد قبض السكان على 6 منهم يحملون الجنسية السودانية والتونسية وفرار البقية إلى منطقة النقازة وجاري البحث عنهم .

وحاليا فإن سكان المدينة يقومون بعمل بوابات على كل مداخل المدينة وفي جميع طرقاتها تحسبا لدخول أي مرتزقة , مع العلم أن الخمس كانت دائما ضد النظام ومعروف عنها بمعاركها الشهيرة ضد الغزو الايطالي ، ولا ننسى أنها أول مدينة تقوم بإحراق سيارات التطهير ، وهذا ما تسبب في كره النظام لها ، إظافة إلى عدم تفاؤل النظام بها خاصة بعد أن كانت أخر مكان يلقي فيه الملك إدريس كلمته للجماهير ، وذلك في مدينة لبده الاثرية، ومما زاد غلو سكان المدينة ضد النظام هو أن القذافي قبل حوالي ثلاثة أشهر أتى إلى المدينة وطلب مقابلة النساء فقط وعدم مقابلة أي رجل في المدينة .

أرشيف مقالات من تأليف : التحرير

31 تعليقات على “اخبار من مدينة الخمس (عاجل)”

  • شباب الخمس:

    بيان انتفاضة شباب الخمس من النقازة وغنيمة غربا إلى كعام شرقا

    بسم الله الرحمن الرحيم والصلاة والسلام على أعظم الخلق أجمعين محمد بن عبدالله صلاة وسلام دائمين متلامين عليه وأله إلى يوم الدين .
    أما بعد
    بسم الله الرحمن الرحيم (( يعز من يشاء ويدل من يشاء )) (( ولكل أجل كتاب ))(( يمكرون ويمكر الله والله خير الماكرين )) صدق الله العظيم .
    بشراك يا ليبيا بشراك .. بشراك يا ليبيا بالحرية بشراك باسترداد الكرامة والانعتاق من ربقة سطوة عائلة القذافي المجرمة وكلابه المأجورة المسعورة… اليوم خرجت مدينة الخمس ممثلة في شبابها الأشاوس معلنة في صرخة قوية واحدة انتفاضتها على حكم الطاغية القذافي وعائلته اللا محترمة وزبانيته المأجورين. واستجابة لنداء دماء شهدا مدن ليبيا جميعها … هذه الخمس المكروهة من النظام كمدن شرق ليبيا تعيد الكرة مرة ثانية كما عهدتموها في انتفاضتها الأولى في عقد التسعينيات من القرن الماضي ضد بلطجية النظام المعروفة بلجان التطهير والتي أوصلت درسا لأبناء ليبيا أن هذا النظام يعيش من وراء خوفنا منه ولابد من حاجز الخوف أن ينكسر وهاهي ليبيا وبنغازي وبدماء شهداءها تدمر جدار الخوف وإلى الأبد انشاءالله .
    شباب مدينة الخمس
    20 – 2 -2011

  • مــــــــــــروان:

    السلام عليكم . اللهم صلى وسلم على سيدنا محمد .

    اليوم 21_2_2011 يوم ملحمة تاريخية فى مدينة الخمس بين الشعب

    والجيش فى جو رفع جثمان الشهيد يوسف الجوادى الدى سقط على

    يد اتباع نظام القدافى من افراد الامن الداخلى بقيادة

    العقيد مخيول الدى كان يقوم برمى برصاص الحى على المتضاهرين

    العزل غير ان اصرار المتضاهرين على استلاء هدا الوكر اجبر

    افراد الامن الداخلى بمساعدة العقيد فى الشرطة عمر الحسيك

    بتهريبم تحت حماية من مجموعة مسلحة بسلاح ميم طا سلاح رشاش

    ونشالله سينتصر الحق على الباطل . نحن لن نستسلم ننتصر او

    نموت

    شباب مدينة الخمس

  • احمد:

    أنا نعرف عمر الحسيك جيدا وين قتل واحد من قبيلة مرغنة قعد مرمي في الحبس وقعدوا الناس يلمولة بالربع دينار بيش طلعوه من الحبس وبعدها قعد داك عيونه في الارض لأنه معنداش بيش اقابل واليوم داير روحه راجل علي الناس اللي طلعوه من الحبس عمر الحسيك تاريخه معروف وكل الناس في الخمس تعرف أصله منين

  • الوطن:

    يا ناس فوتوا كل التفاصيل وكونوا بد وحدة ضد هلاستعمارالقادم وبعدين فكروا في التفاصيل لان الوطن غالي وما يتعوض بكنوز الدنيا كلها

  • احمد الشريف:

    منوره يا وطن يا سباقه وياريت نبو تقارير عن لبده ونبو اهتمام بسياحتنا

  • خمسى ثائر:

    والنبى شوف متسلاقى لبدة شنى مديرين فى كلية الطب والمستشفى….؟؟؟؟يوم الاحد3/11 ضربين واحد من الخلف فى الرجل بكاميةفى داخل المستشفى هدى الاولى ويوم التلاثاء ضربين واحد فتحولة راسةوكسرولة سيارتة ولما هرب ضربوة بسيارتهم نوع شفر ليت….؟؟؟؟غير اعرفوا منوا تحضوامش ناس ما يعرفوا ربى(وكلامى واضح).كان مشت الحال زى توه وتوا قبور اولادكم.

  • صقر الخمس:

    ما شبحتش القانون الجديد فى كلية الطب(قالك ممنوع جلوس طالب وطالبة فى مكتبة الكلية)هدا قانون طلعة د:الهادى يونس من راسة.ولا عمر اجميعات؟؟؟ما سمعنا بية بكل شنى يحسبوها تانوية ولا ابتدائى من المفروض راهوا قسمونا الولاد الصبح والبنلت العشية….؟؟؟وقالك من ليبيا ياتى الجديد هدا ما شبحش الخمس كا هدا رهوا حدد كلامة وقال من الخمس ياتى الجديد ويحييى القديم ما دام ضد مصلاحت الطلاب ومع مصلاحتى……

    نشوفكم فى قانون اجديد….
    نتابع

    • ليبية حرة:

      قرار كويس هذا المفروض يفرحوا بيه قرار زي هدا زي القرار اللي طلعت في جامعة طرابلس علي لبس الطالبات قالولهم لازم يحتشموا في لبسهم والا يتخدوا فيهم قرار المفروض حاجات زي هادي نفرحوا بيه

  • fadwa:

    أنا أفتخرلأني خمسيه

  • خديجة:

    لسلام عليكم ورحمة الله وبركاته
    إلى كل ليبي حر وخاصة أهل الخمس الأحرار
    عندي ملاحظة على الشقق اللي استولوا عليها الناس متاع البحرية اللي بجانب مصحة لبدة الإيوائية سابقاً وبجانب قهوة كل العرب لماذا الناس ما يخافوش ربي ويرجعو لبيوتهم اللي كانوا يسكونو قيها والله العظيم حرام حرام حرام …
    لأن الرغبة في الدين والصلاة وحفظ كتاب الله وليس الشقق ، فيه اللي عنده حوش وتحصل على حوش ثاني من مصرف الأدخار في سوق الخميس وناقز في شقة متاع البحرية ليش ؟ وفيه ناس نازحة وقاعدة في الأيجار ليش ؟ ما نديروش لجنة وتابع ها الموضوع بجدية وتكون ناس صادقة وتخاف ربي وتبحث على ها الناس اللي ناقزين في الشقق ويطلعوهم زي ما طلعو الناس اللي نقزو في الحياش متاع سوق الخميس باش كل واحد يحمد ربي علي هو فيه ….
    فيه ناس ناقزة وبايعت الشقق ، وفيه اللي عاطيه لعايلته وهو عنده حوش ثاني ، وفيه اللي قال بنبيع الحوش اللي عندي ونقعد في الشقة اللي نقز فيها …. ليش ما نكلفوش ناس تبحث على الحقيقة ولا زي من قال ( اللي عنده جهد يفوت واللي ماعنداش يموت ) .
    بالله عليكم ياناس ذات العلاقة ديرو حل سريع باش كل واحد يعرف قدره وتكون الخمس بأهلها حقيقيين وينظفوها من ها الناس اللي ما يعبي عينها شئ …
    وهذا نداء إلى كل أهل الخمس الأحرار ديرو حل في أقرب وقت بالله عليكم ياريت تهتموا بالموضوع ولكم كل الأحترام والتقدير .
    من … بنت سوق الخميس – الخمس – محلة المعقولة
    إلى كل أهل الخمس الأحرار .
    والسلام عليكم ورحمة الله وبركاته

  • صلاح الزليطني:

    هههههههههههه شر البلية ما يضحك الخمس مازل خضراء ومازل مدنية تنقصة كلمة الحق الظلم بشكل غريب جدا كل يوم تفجيرت وسرقة وكل واحد مدير نفسة بطل للاسف هل التوار لموجودن الان في مدنية الخمس هم الحقيقيون اما عبارة عن اشباة التوارر لا يوجد امن ولا استقرار حكمة فروخ في مدنية الخمس علي فكرة وان شاء الله ربي يهدي الجميع

  • FOZY_BANTET:

    السلام عليكم انا وردا على كلام الشاب صلاح الزليطنى شكرا هالبى على التعليق متاعك لانك تعرف كويس انه زليطن 90 فى المئه خضر وهدا مش مخفى ولولا الله وتوار مصراته قعدت زليطن هشك بشك مع احترامى لاشراف زليطن وانا لا انكر انه هناك شباب فى مدينه الخمس مراهقين مدايريين روحهم توار وهم كانو فى باب القهر يرقصو وفى الاخر خليك فى حاللك يزليطنى انت شكلك متاع فتن!!!!!!!!!!!!!!!

  • عائشة:

    السلام عليكم انا نبى نقول اتكلموا كويس ،شن الكلام اللى ماليش معنى، احنا بلادنا وصغارنا فى خطر،وين الامان وين الاستقرار،حتى الاسعار زادت عن قبل، كن فى خير والحمد الله اللى يمش مسبوط مايجى شئ، بس الغلظ فينا احنا ، نبوا ثورة على انفسنا اغلب الامناء حرامية وتوا يتكلموا على المبادئ طلعوا الفلوس اللى سرقتوها من الشعب من اجل الاصلاح والتعمير اتقوا الله ما فى حد دائم الدوام لله راك شبريين مهما عملت وربنا المنتقم

  • عصام الكيلاني:

    تحية الي ثوار لبدة الاحرار اللي اي مشكلة تهز الخمس ايكونوا حاضرين الله اكبر عليكم يا ابطال الخمس

  • أحمد الشريف:

    الله أكبر الخمس عاصمة السياحه في ليبيا ونحن سنقف وراء هذا حتى يتحقق وياطرابلس ياحبيبه إنشالله خير وربي يهدي أولادك

  • مروان:

    كلكم اكلاب

  • LIBKAS:

    Elkhoums
    humma qabilet KEMSUNA Elamazighiyya
    Iden Elkhoums hum amazigh
    Iqra mouqaddimat Ibn Khaldoun

    Sassi

  • محمد هرودة:

    تحية الى كل يعرف محمد هرودة

  • عين الربم:

    احمدو ربكم ياليبين وشوفو شن صاير في تونس ومصر وسوريا

  • محمود:

    ياشاء الله على الخمس وبدت العرقيب الزويد

  • عادل الخمسى:

    سلام الله عليكم والله الخمس مافيه لاثوار ولاتوار

  • سيفروس:

    هي كلمه واحدا لزم نقولها…الله اكبر….

  • المحروس الخمسى:

    الخمس فات فيها حرب اربعين صباح بيش الواحد يعرف زين من مع الثورة ومن ضدها والله اكبر على كل واحد متسلق ومش محترم دماء الشهداءوقاعد يكولس فى تكوليس الممؤتمرات.. وخاصة اعضاء المؤتمر والمرشحين للجنة اعداد الدستور

  • سالم هنيدي:

    لا احبذ ان ارد على احد وخاصة الامعة الذي قال بأن الخمس لا يوجد بها ثوار . ولكن دعني انوه الى شي نشر حديثا لعله يدواي من كان به داء
    https://www.facebook.com/photo.php?v=652340181498834&set=vb.155625524503638&type=2&theater

  • خالد شلوف:

    الخمس فيها توار انظاف أوعندهم وطنية أشباه التوار ما امتلو الخمس الله اكبر عاشت ليبيا حره ابيه

  • محمد عاشور:

    اللى قدر يهرب من العقاب فى الدنيا كيف سيهرب من عقاب الاخرة ام حسبتم ان تتركو سدى

  • محمد عاشور:

    الى كل مواطن فى ليبيا المجروحه التى اصبحت مرتع لدوى المطامع والمجريمين الدين استباحو حرمة هدا الوطن الغالى س ر قو التروات ونهبو الخيرات الدين اتو من كل فج عميق الي كل شريف الى كل حريص غيور على تراب هدا الوطن من ان تدوسه اقدام الانجاس يتقى الله ويخاف يوم تتقلاب الابصار والقلوب

  • محمد عاشور:

    ان الله يمهل ولا يهمل

  • alihoumi:

    انا شاب مغربي احب ليبيا من كل اعماق قلبي فا رجوكم اخواني اللبيين في كل مناطقها الالتزام بشيء من الهدنة والتصالح فيما بعضكم فالجؤا الى طاولة الحوار حتى تتمكنوا من بناء دولة ليبية مبنية على ركاءز قوية لكي لا تتمكن الاعداء الى الوصول هدفها البشع الدي لايرضي ليبيا و لا يرضي الشعب البيبي المقاوم و المناضل من اجل تحرير الوطن فلا تنسوا رجلكم الاعظم عمرالمختار٠٠٠فارجوكم لا تقتلوا بعضكم فانكم دم واحد ولا يوجد فرق بين مصراتي او طرابلسي او زنتاني شيء فانتم ليبيين تجمعكم دولة واحدة فهلموا للحوار لتكوين دولة ليبيا قوية ٠
    حسن المغربي

أترك تعليقك

خـطّـرهـا ‪)‬كلمة المحرر‪(

(( الكارثة ليست قادمة ،، بل حلت وتوطنت )) ليست المرة الأولى ولن تكون الأخيرة : بمجرد ما أن تواجه العموم بتناول حقيقة الواقع ،، ووقائع الأحداث من زوايا مخفية،،، ومحاولة ضبط المشهد عبر التحليل وطرح التصورات ،، الأفاق ،، بل وأحياناً عبر الكشف عن معلومات وخفايا في غاية السرية .. أي بمجرد أن تحاول [...]